Thlalak dung(kham phei) sei pût hi panorama a ni a. Banga Jerusalem khua kan târ thin hi a entir nan chuan a chiang thawkhat ang. Eng tiangin nge mi fâte hian panorama hi fiah takin an lâk bik? Thlalak pakhat atangin panorama turin an crop mai em ni? Chutianga thlalak pakhat crop chu hlai taka print tur a nih phei chuan a fiah lo vang. Panorama lâk dan tur dik tak pawh a ni lo réng a ni. A nih chuan professional photographer ho hian engtin nge an lo tih bik teh rêng lè? Sawi fiah ang aw.. :-)
A hmasa berah chuan hmun thim deuh, kut lâwnga camera lek chunga thlâ lâk fiah theih tawh lohna hmunah i awm a nih chuan tripod i mamawh a. Hmun êng tha tak i la dawn a nih pawhin tripod i keng remchang tho a nih chuan hmang tho rawh. Landscape Photographers chuan tripod hi khawi hmunah pawh an hmang. Chuvang chuan, panorama lâk dawn chuan tripod hi hman hrâm a tha. Zânah phei chuan hman ngei ngei a ngai.
I camera chu tripod-ah i vuah ang a. A tung(portrait) zâwngin camera chu i kuai her ang. A khamphei zâwng(landscape)a i lak chuan thlalak kil lam kha a lo inpawt sawi(perspective/distort) palh thei a. Chuvang chuan, portrait zâwnga lâk hi a tha ber a ni.
Chumi zawhah i panorama thlalaka lang tur kil ber frame atang khan la tran la. I tripod-a camera chu a hma chiaha i frame lâk hmawr lam tlêm(20% vêl) cover tel turin la leh la, chuti chuan a indawt tê têin a tawp thlengin i la ang. Thlalak frame hmasa zawka zâa sawmhnih(20%) vêl i lâk tel leh khan panorama siamna software emaw photoshop-a thlalak zawm a tiawlsam bik a ni.
Thlalak pariat vel rem khawm tur i nih avangin i thlalak frame zawng zawng kha a white balance a in-an vek a ngai a. Chuvang chuan, white balance kha "Cloudy"-ah emaw han dah tawp mai la, a inang tlâng vek mai dawn a ni. Auto-white balance(AWB) leh Auto exposure-a i dah chuan frame thenkhat a thim ang a, a color a inang lo thluah bawk ang a, i zawmkhawm hnuah a entlak dawn loh a ni.
Frame hmasa ber focus i siam fel tawh chuan manual focus-ah dah nghal rawh. Autofocus hmanga frame i lak dawn apianga focus i zawng chawp zêl a nih chuan hun i heh lutuk ang.
I thlalak frame leh frame i lak inkara i chawlh rei lutuk chuan brightness leh chhûm leh boruak a lo inthlak hman thei a, chuvang chuan frame hmasa i lak zawh veleh châwl lovin a dawt la leh nghal ang che. Minute 5 chuang te i chawlh chuan frame hmasa leh a dawt chiah inzawmna lai tur a inpelhsawlh vek thei a ni.
Chumi zawhah i panorama thlalaka lang tur kil ber frame atang khan la tran la. I tripod-a camera chu a hma chiaha i frame lâk hmawr lam tlêm(20% vêl) cover tel turin la leh la, chuti chuan a indawt tê têin a tawp thlengin i la ang. Thlalak frame hmasa zawka zâa sawmhnih(20%) vêl i lâk tel leh khan panorama siamna software emaw photoshop-a thlalak zawm a tiawlsam bik a ni.
Thlalak pariat vel rem khawm tur i nih avangin i thlalak frame zawng zawng kha a white balance a in-an vek a ngai a. Chuvang chuan, white balance kha "Cloudy"-ah emaw han dah tawp mai la, a inang tlâng vek mai dawn a ni. Auto-white balance(AWB) leh Auto exposure-a i dah chuan frame thenkhat a thim ang a, a color a inang lo thluah bawk ang a, i zawmkhawm hnuah a entlak dawn loh a ni.
Frame hmasa ber focus i siam fel tawh chuan manual focus-ah dah nghal rawh. Autofocus hmanga frame i lak dawn apianga focus i zawng chawp zêl a nih chuan hun i heh lutuk ang.
I thlalak frame leh frame i lak inkara i chawlh rei lutuk chuan brightness leh chhûm leh boruak a lo inthlak hman thei a, chuvang chuan frame hmasa i lak zawh veleh châwl lovin a dawt la leh nghal ang che. Minute 5 chuang te i chawlh chuan frame hmasa leh a dawt chiah inzawmna lai tur a inpelhsawlh vek thei a ni.
