Wireless-a Canon leh Nikon DSLR control-na device thar CamFi

Nikon leh Canon DSLR hmang tân wireless-a camera control-na device a rawn chhuak thar a, CamFi tih a ni. Hê device hi camera hot shoe-a vuah (mount) tur a ni a, wifi network hmangin PC/Mac, Android leh iOS mobile device-ah te hman theih a ni. CamFi hi $130 (₹8600) man vel a ni.

CamFi hmang hian an apps hmangin mobile device-ah Live View-in thlalak a rawn lang dawn a, camera settings hrang hrang, AF points te, metering mode te, exposure compensation te, aperture te, shutter speed te leh ISO te thlengin a control theih vek dawn a ni. I thlalak delete duhte pawh apps atang hian a delete nghal mai theih dawn bawk a ni. 

A siamtute sawi dan chuan a battery hian darkar 6 a daih dawn a, 1800 mA lithium battery a hmang. A signal man hlat theih zawng hi 50 meters a ni a, a file transfer speed (wifi) hi 150 Mbps a ni.

CamFi hman theihna camera te chu:

Canon : 1Dx, 5D II, 5D III, 5Ds , 5Dsr, 6D , 7D, 7D II, 50D, 60D, 70D, 100D, 500D (T1i), 550D (T2i), 600D (T3i), 650D (T4i), 700D (T5i), 1100D (T3), 1200D.

Nikon : Df D3, D3s, D3x, D4, D90, D300, D300s, D600, D610, D700, D750, D800, D810, D3200, D3300, D5000, D5100, D5200, D5500, D7000, D7100, D7200.