Phase One leh Sony company tangkawp chuan XF 100 Megapixel CMOS sensor camera a rawn siam thar a. A megapixel sân avang leh a sensor a len that em avang hian a thlalak chhuah chuan zoom a dâwl ve khawp mai. Megapixel sâng vak ringawt a, mahse han zoom vaka thlalak sharp tha mang si lo camera a awm a, nimahsela, XF 100MP hi chu a ni ve lo.
Hê camera hi 16 color bit depth a rawn ni dawn a, chumi chuan thlalak a tihfiah bakah thlalak color a tidik leh zual dawn a ni. Digital camera-ah chuan XF 100MP hian thlalak natural tone leh detail a pâwl ber dawn niin Phase One hian an sawi a, an inchhuang hle.
A dynamic range hi a tha hle bawk niin an sawi. A ISO hi 50 atanga 12800 a ni a, a that lehna em em pakhat chu a exposure (shutter speed) hi 60 minutes thlenga a set theih hi a ni. Zân lama chetla tam tan a tangkai viau hmêl. Flash sync speed hi 1/1600 thlengin a tihsan theih a, thim thama action lâk nan a tangkai viau bawk ang. Tuna kan camera hma tlanglawn hi chu a flash sync speed hi 1/250 vel chauh a ni.
A fps (frame per second) pawh hi 30 a ni a, action camera te a nih lem loh chuan tuna kan DSLR camera hmuh phakah hi chuan 15 fps kai pha pawh a awm mang lo. Sports photography-ah pawh a hman tlak viau dawn a ang. 5 year warranty an pek theih bawk avang hian camera tha pangngai tak a ni turah ngai ang.
A specifications en chiang duh tân - https://www.phaseone.com/en/Products/Camera-Systems/XF100MP.aspx
