Lens man sâng tak tak lei thei lo tan Canon EF 50mm F1.8 STM lens hi a thlanawm viau vang. EF 50mm F1.8 lens an rawn upgrade-na ni awm tak a ni a. Canon lens technology thar STM-a thuam a ni. Bih chiang ang.
Tuna 50mm f/1.8 kan hman thin hi chu hman a nawm lohzia kan hre fur ang. Focus a muang a, focus fuh lo a tam bawk a, a châng chuan vawm bo daih mai te pawh a chakawm rum rum hial thin. Nimahsela, kan sumina a tlin tawk a nih avangin dawhtheihna nen thinrim tut tutin kan hmang lui mai mai a ni lek fangin a lang.
Canon EF 50mm F1.8 STM lens hi tunlaia canon-ina lens an rawn siama a motor system(lens focus inherh kual dan) STM (stepper motor) hian nasa takin camera lens-ah hmasawnna a rawn siam a. Camera-ina lens kit a rawn ken telah pawh hian STM lens kher hi an hmang tawh a ni. STM lens chu a focus a chak tha a, focus zâwnga inherh rî kha a awm tawh lo va, zawi satin a kal tluang purh a ni ber mai. Lens tha leh tha lo tehfung pawimawh tak pakhat chu focus chak leh chak loh hi a ni.
EF 50mm f/1.8 aia a thatna pakhat chu aperture blade hi pasarih a awm tawh a ni. (Aperture Blade/Diaphragm blade hi post lehpekah ka rawn sawifiah ang).
Hê lens thar hi review-ah chuan lens hmasa ai khan a sharp tha zawk dawn a, chuvang chuan thlalak pawh a fiah felfai deuh bik dawn a ni.
A danglam lehna chu a lens filter/lens hood size hi 49 mm a ni. Lens hmasa kha chu 52mm a nih kha.
Canon EF 50mm F1.8 STM lens specification i lo en ang:
| Principal specifications | |
|---|---|
| Lens type | Prime lens |
| Max Format size | 35mm FF |
| Focal length | 50 mm |
| Image stabilisation | No |
| Lens mount | Canon EF |
| Aperture | |
| Maximum aperture | F1.8 |
| Minimum aperture | F22.0 |
| Aperture ring | No |
| Number of diaphragm blades | 7 |
| Aperture notes | Circular blades |
| Optics | |
| Elements | 6 |
| Groups | 5 |
| Focus | |
| Minimum focus | 0.35 m (13.78″) |
| Maximum magnification | 0.21× |
| Autofocus | Yes |
| Motor type | Stepper motor |
| Full time manual | Yes |
| Focus method | Internal |
| Distance scale | No |
| DoF scale | No |
| Focus distance limiter | No |
| Physical | |
| Weight | 159 g (0.35 lb) |
| Diameter | 69 mm (2.72″) |
| Length | 39 mm (1.54″) |
| Sealing | No |
| Colour | Black |
| Filter thread | 49 mm |
| Hood supplied | No |
| Hood product code | ES-68 |
| Tripod collar | No |
A thatna tawitein khaikhawm ang:
- Portrait lak nan a tha
- A focus a chak bakah focus zawnga rî rêt rêt a awm mang lo.
- Hmun thim deuhah pawh a tha viau
- A thla lak a sharp tha em em
- A tê fel ât a, ken kual vel a hahdam.
