Aperture blade awmzia leh a hnathawh

Camera lens chungchang hre viaua i inngaih lai khan lens aperture blade hnathawh leh a blade tam leh tam lohvina thlalaka nghawng a neih dan erawh i hre lo tlat thei. Photographer nih ve tâk si-ah chuan kan camera leh lens chhûngril nên lam hian a hnathawh dan te kan hriat ve a ngai a ni. Kan bengvar lehzual nân Lens Aperture Blade chungchang tâwi tê leh bawkin ziak leh phawt ang.

Lens aperture blade hi diaphragm blade tî pawhin an sawi a, a inang reng a ni. Lens aperture chuan thlalak focus zauh zawng leh zim zawng(depth of field)ah hnâ a thawk a.  Aperture a zim chuan thlalak focus chin huamchhung a zau va, aperture a zim chuan thlalak focus chhung a zim ve thung a ni. Aperture a zauh chuan subject hnung lam chu a blur thin a. Subject hnung lama êng neuh neuh a awm chuan chûng êng zual thliah thluah lai chu a rawn lang bial thluah thin. Chu chu bokeh tiin kan sawi bawk.

Chumi bokeh chu lens aperture blade tam dan azirin a pianhmang a danglam thin a ni. Canon EF 50mm f/1.8 II-ah chuan aperture blade hi panga chauh a awm a, chuti a nih chuan aperture inhawn laia aperture blade-ina bial a siam kha aperture blade a tlem avangin bial rual tak angin a lang thei dawn lo a ni. Aperture blade pakua vel a awm ve thung chuan aperture bial kha compass-a bial taka rin angin a awm a, bokeh pawh bial rual takin a lang dawn a ni dawn a ni.

Aperture blade hi a tam lam apiang a tha a, a chhan chu aperture blade tlemah(eg: 6) chuan bokeh hi pentagon(kil neia bial) angin a lang thin a ni. Chu chuan thlalak a ti-natural lo va, professional photographer tam tak chuan an duh lo va ni. Aperture blade tamah chuan bokeh hi a bial mâm pap mai a, thlalak a natural bik em em a ni. Chu chu aperture blade tam thatna a ni. Lens tha tak takah hi chuan aperture blade hi pakua aiin a tlem ngai mang lo.