Zâna êng(light) che hrim hrim phê puata lâk hi light trails chu a ni mai ang chu. Shutter speed hniama camera kan set a, tripod kan hman bawk chuan zana motor tlante hi motor lang si lovin light sei pût angin a lang ta thin a ni. Chumi lâk chu harsa vak lo mahse hre lo eng emaw zat kan awm avangin hriatthiam awlsam thei tur ang berin ka han sawifiah ang e.
Light trails la tur chuan Manual setting(duh duha set kual theih) camera leh tripod i mamawh a, star trails la tur i nih chuan remote shutter pawh i mamawh tel. Khawpui lûn lai emaw motor kawng lûn deuh lai thlang thiam la. Light kal dan tur hisap lawkinangle uluk takin siam lawk rawh. Angle hi thlalakah chuan a pawimawh ber pakhat a ni. I tripod hunna emaw i camera hûnna kha midang tih chet theih a ni tur a ni lo. A theih hram chuan kawngpuiah emaw leiah ngei hûng la a nghet tha ber a, thlalak a phê ngai lo. In chhâwng sâng atanga lak te hian kan hriat tham si loh hian in hi a lo nghing ve thin a, chu chuan thlalak a tiphê (blurred) thin. Chuvang chuan i inhûnna hmun i thlan uluk a ngai.
 |
| F-Stop : f/16 ISO : 200 Shutter speed : 15 Secs |
 |
| f/9 30 secs ISO-100 |
Camera set dân sawi nghal mai ang. Camera-a pawimawh ber chu thil pathum, shutter speed, aperture leh ISO hi a ni. Hêng pathum hi kan a ruala kan hman thiam hle chuan thlalak kan thiam hle tihna a ni. Light trails la tur chuan shutter speed hi 30 seconds-ah dah rawh, shutter speed hniam theihna ber a nih avangin light a lut hnem ang a, second 30 chhunga motor light zawng zawng kha a la khawm vek dawn a ni. 30 second aia exposure sang/rei zawk i duh chuan bulb mode-a i dah a, remote shutter i hman a ngai tawh ang. Shutter speed a hniam poh leh camera-ah light a lut rei a, êng zung zam(light trails) pawh a mâm tha bik a ni. Shutter Speed i set zawh hnuah aperture i set leh ang. Aperture hi f/8 chung lamah dah hram la, êng(light) che ve lo zawng kha a pâr chhak zel dawn a ni. Hei hian thlalak a ti nalh bik. Aperture i tihzim chuan camera-ah êng a lut tlem ve thung a, f/22 velah phei chuan i thlalak a thim ruih mai thei. Mahse chu chu shutter speed leh ISO hmangin a set dik ve leh theih zel a ni. ISO hi chu a hniam berah set thei la a tha ber, a chhan chu thlalakah noise(mur sep sep) a awm duh. Mahse, i thlalak a thim viau dawn a nih chuan i camera a zirin 2500 thleng pawhin tisang la a pawi lo vang. A tawp berah chuan i duh ang thlapa i set nî-a i inhriat hnuah self timer-in han lâ la, a dik loh deuh emaw chuan aperture hi i set danglam ang a, a brightness dik tawk chiah turin i set tawh mai dawn nia.
 |
| Star trails |
Star trails hi ka la la ve lo va, a chhan chu remote shutter ka neih ve loh vang a ni. Star trails i lak dawn chuan in chhawng sang atangin la lo la, leiah ngei mai tripod kha nghat ang che. Bulb mode-ah i dah ang a, remote shutter kha darkar 3 vel emaw a aia rei lo deuh pawh hmet la, arsi a rawn bial pap mai ang :-) . Khawpui nen i la kawp duh a nih chuan khawpui kha a êng fâl dawn bik lutuk a, vân lam nena a brighness inmil tawk chiah turin frame thum vel HDR turin i la ang a, i HDR ang a, a rawn chhuak nalh em em mai dawn a ni :-)
Thenkhat tan chuan hriatthiam a la har cheu mai thei a. A hranpain a inzawh theih reng ania. Tin, a kimchang lo viau pawh in ti mai thei. In hriatthiam loh lai chu comment-ah hian rawn zawt ta mai ula, kan inchhâng zel dawn nia. :-)
