MPS Chapchar Kut Lady Top 10

Mizo Photographers' Society chuan kum danga an lo tih ṭhin angin kumin hian MPS Kût Lady an thlang leh dawn a. Mizo Photographers' Society-ina Kût Lady an thlan hi a hlawhtling ṭhin hlê a, mipui pawhin an hlut em em ṭhin a ni. Kumin pawh hian Kût Lady tûr an thlan chhuah han en hian kum dang ang bawka a hlawhtlin leh a rinawm.

Kum 2012 aṭang khan Kût Lady hi Mizo Photographers anga thlan ṭan a ni a. Kum 2013 aṭangin Mizo Photographers' Society hminga thlan chhoh a ni. Lammuala Chapchar Kût hmangtute zinga mizo thuama inthuam nulate aṭangin Kût Lady tur hi thlan ṭhin a ni. Chapchar Kût hmannaa kal tûpawhin an hmeichhe hmelṭha tih zawng emaw hmelṭha an tihkher loh leh mizo nunze mawi pû leh tlawmngaihna ngah mî nî-a an hriatte chu thlâ laksakin an hmingpum leh an address an dîl a. Chu chu Mizo Photographers' Society Facebook-ah an post a. Mizo Photographers' Society hruaitute'n chûng thlalak upload-te aṭang chuan OB Meeting neiin an chanchin kimchang an chhui lêt leh tê tê a, chuta MPS Kût Lady atâna tling tawk nî-a an hriatte chu an thlang chhuak ta ṭhin a ni. Top 30 an thlang phawt a, chumi zawhah Top 10 an thlang leh a, Top 10 aṭangin Top 3 (Result Puan) thlanna neih leh ṭhin a ni. Top 10 chin an thlan chhuahte hi an inah hruaituten an tlawh chhuak vek a, an vêng YMA leh MHIP hruaittute an be vek bawk a ni.

MPS Kût Lady 2017 Result puanna hi ni 14.03.2017 zânah Lalthanhawla Auditorium, Vanapa Hall bulah neih tur a ni.

Post hmasa: MPS Chapchar Kût Lady 2015 Result Puanna leh Lawmman Hlanna

Lawmman turte:

• MPS Kût Lady (Pakhatna) : ₹10100/- + Genesys Gym (1 year)
• Pahnihna : ₹8100/- + Genesys Gym (6 months)
• Pathumna : ₹5100/- + Citation + an thlalak chuanna frame (12'x18') + Genesys Gym (3 months)

MPS Kût Lady Top 3-te hi Mizo Photographers' Society hian a enzui ve reng bawk a. Lawmman hlannaa an intiamna an bawh chhiata an nungchang leh khawsa ziain MPS a timualpho nî-a an hriat chuan Kût Lady nihna hi hlihsak leh theih an ni bawk.

Mizo Photographers' Society Facebook-a an notification chhuah:
-Sangzuala Pachuau (March 8 at 10:33pm)

1. MPS Chapchar Kut Lady 2017 atana thlan chhuah mi 30 atangin TOP 10 kan rawn chhawp chhuak ta e. Committee-in ngun taka kan enho va, ngaihtuahna chi hrang hrang hmanga kan ngaihtuah hnuah, han paih then phal kan neih tak loh avangin top ten-ah mi 13 kan dah ta hram mai, mi tih loh dan pawh a ni bik chuang lo ve tiin kan inthiam ve ta tawp mai a ni.

2.LIKE vote an hmuh tam hian kawngro a su kan tih tawh ang ngei khan tehna pawimawh takah kan hmang a, chumi bakah sawi lawk angin top ten an tlin theihna tura thutlukna 40% chu an vote hmuha innghat chung leh MPS EC kuta 60% awm chungin top ten hi kan thlang a ni.

3.Top 10 atana thlan chhuahte hi Committee-in anmahni in lam theuhvah tlawh kuala an kawm kual vek hnuah, top 3 thlan chhuah a ni tawh ang.

4. Top ten ah pawh hian a hmaa like hlutna ang tho kha a ni leh ang a, 40-60 thovin MPS memberte leh EC thuneihna a kal leh ang, march ni 10 zan dar riat thleng a vote theih ang.

5. MPS Chapchar Kut Lady 2017 Top 3 chu march ni 10, zirtawpni zanah puan a ni ang.

6. Top ten thlan chhuahte hian an veng YMA hruaitu tu emaw ber no emaw, MHIP hruaitu tu emaw ber no emaw leh, anmahni biak pawh theihna No hi notification post tu hnenah emaw, top ten thlalak post tu hnenah emaw hriattir se kan lawm hle ang.