Canon L lens-a red ring kan hmuh thin ang khan Canon chuan Printer thar, imagePROGRAF PRO-1000 an rawn siam chhuak a. Canon printer-a thlalak print nâ'na ṭha chungchuang tura an rawn duan a ni a, a print chhuah chu nalh vet vet hle tura ngaih a ni.
Canon PIXMA PRO-1 ai khan a rawn changtlung tawh zawk a. A print head pawh a lêt dawnin a rawn lian tawh zawk bawk a, a nozzle pawh Canon PIXMA PRO-1 aiin a rawn bit/muk tawh zawk a ni. A print head a len avang hian a print chak sawt tawh bawk a. Canon PIXMA PRO-1 aiin a lêtin a print rang zawk.
Tunah hian canon hian ink system thar an rawn hmang tawh a, chu chu LUCIA PRO an ti a, color chi 11 a hmang. System thar an hman avang hian printer chhuak hmasate aiin color a dik bik em em a ni. Canon hian an printer siam tharah hian software thar (Print Studio Pro v 2.0) leh processing engine thar (L-COA PRO) an hmang tawh a, Canon company chuan hei hian thlalak print a tihnawm bakah thlalak a tihnalh bik thu an sawi.
