Landscape photograph nalh tak tak i hmuh hi HDR thlalak deuh vek an ni a. Hnam dang photographers chuan HDR hi an hmang nasa em em a, an hmang thiam bawk a, mawi takin an thlalak an chhuah thin. Mizo zingah hian HDR photography hi kan hmelhriatna chu rei ve leh deuh tawh mahse HDR awmzia tak tak hi kan la hrethiam pha lo fo mai. Thenkhat chuan thlalaka "detail' pêk vak hian HDR emaw kan ti mai a. Thenkhatin thlalak pakhat chauhvin HDR software atangin thlalak belhchiandawl lo deuhvin kan chhuah thin. Chuvang chuan HDR awmzia atangin kan sawifiah chho ang.
HDR lam pum chu High Dynamic Range a ni a. Thlalaka êng leh thim inchawih rual tak sawina a ni. HDR thlalak siam tur chuan thlalak in-ang thah pathum emaw a aia tam kan mamawh a, chûng thlalak pathum chu a ên lam a indawt chho tur a ni. Thlalak pathum chu HDR siamna software emaw photoshop hmangin i thuah khawm ang a. Chumi hnu chuan thlalaka a thim zual lai kha hmuh nuam tawk chiahin a rawn êng ang a, thlalak êng zual lai kha hmuh nuam tawk chiahin a rawn thim bawk ang.
HDR thlalak siam tur chuan DSLR camera emaw manual setting awmna camera i mamawh a. Exposure bracketing/Exposure compensation awm tel thei se duhthusam a ni. Tripod pawh thlalak frame pathum inang thapa lak theih nan i mamawh bawk. Nimahsela, i software hmanin i thlalak pathum kha inrual thlapa a remkhawm thei a nih chuan hmun thim lutuk lovah chuan kuta lek(hand-held) pawhin i la thei tho. Mahse i kut khur lo se, continuous shooting hmang bawk rawh.
A tihdan kim chang deuhin sawi dawn ang. I thla lak tur mil chiahin i camera-ah khan brightness set la. Chumi hnuah a chunga thlalak tarlan(Exposure comp.) ang khi i camera i hmet chhuak ang a, shutter speed i adjust-na wheel kha i scroll ang a, darker leh brighter kil berah ve ve khian a sen(red) tawi zawk pahnih khi i tawlh pheitir dawn nia. Chumi hnuah continuous mode-in shutter kha i set ang a. Chumi zawhah Self timer-in i la ang a. Vawi thum a rawn inla nghal thawt mai ang.
Exposure Compensation hmang kher lo pawh khian i la thei a. Thlalak frame hmasa berah shutter speed hmangin thim deuhvin, thlalaka a êng lai ber en nuam tawk tur sîin i la ang a. Chumi zawhah thlâ i lak pangngaia a êng tawk i tih ang khan i la leh ang. A tawp berah i thla laka a thim lai ber pawh êng vek thei tur khawpin i set leh ang a. I zo a ni tawh mai.
Chûng thlalak pathum chu photoshop hmangin emaw HDR Software hmangin emaw thlalak pakhatah i chhuah dawn a ni.
Chumi zawhah chuan a hnuaia mi ang hian i thlalak chu a rawn lang tawh ang a. I duh angin a color chu i tidanglam tawh mai dawn nia.
HDR hi uchuak lutuka siam a awm ve a. Sawrbawk lutuka siam te hi hmuh a nuam lo va. A theih hram chuan natural thei ang ber turin siam ila a tlo ber. A chunga entirna ka pekah khian thlalak pathum hman tur angin ka sawi mai zel a. Duh chuan thlalak 10 pawh a belhkhawm(merge) theih.
HDR software lâr zual deuh te:
HDR software lâr zual deuh te:
Ka HDR thlalak tlem azawng ka han pholang ve ang e.
